Hamd - Koi Tu Hai Jo Hamesha

کوئی تو ہے

کوئی تو ہے جو ہمیشہ نظر میں رکھتا ہے

کہ رکنے دیتا نہیں ہے، سفر میں رکھتا ہے

ہر ایک راہ ، ہر اک سمت ہے اسی کی طرف

وہ مقناطیس سا ایسا اثر میں رکھتا ہے

کب اس سے مانگنے والا رہا تہی دامن

ہر اک طلب کی عطا اپنے گھر میں رکھتا ہے

دیئے ہیں فکر و تخیل کو زاویے اس نے

ہزار حکمتیں شام و سحر میں رکھتا ہے

ٹھکانہ اس کا ہے امکان کی حدوں سے پرے

قیام صرف دلوں کے شہر میں رکھتا ہے